التخطي إلى المحتوى الرئيسي
بحث هذه المدونة الإلكترونية
- بقلم ابراهيم احمد العزونى
اهلا وسهلا بكم أصدقائى
قصه بعنوان رد الجميل
سيناريو
من وحى الخيال
ياريت تعجبكم
سرد احداث القصه
الشخصيات والأماكن حسب الظهور
شاب غني
والده
اصدقاءه
فرح شعبى
راقصه
ضابط آداب
قسم الشرطه
المحكمه
السجن
والدة الشاب
نبطشى السجن
فترة السجن
خروج الشاب من السجن
الشاب ومقابلة والده
صاحب مصنع
الشاب ومقابلة صاحب المصنع
رجل يقف يومياً أمام المصنع
امراه جميله تمر من امام المصنع يومياً
نبطشى السجن والشاب بعد الخروج من السجن
نبطشى السجن والادمان
امرأه ونبطشى السجن
زواج نبطشى السجن من ابنة المرأه
النهايه حضور الشاب الفرح ورد الجميل
الحوار الشاب ووالده
يقول الشاب لوالده
بابا فيه فرح شعبى بتاع واحد صاحبى رايحه مع إصحابى
الاب .خلاص ماشى يامحمد
خد فلوس معاك وخد عربيتك وعايزك تبقي احسن واحد
خد اللى يكفيك واصرف براحتك ماشى
محمد ..هههههههههه حاضر يابابا
اصحابه .. يلا يامحمد نروح الفرح
يلا ياشباب
أخد محمد عربيته هوا وإصحابه وراحو الفرح
شاف رقاصه عجبته قال لأصدقاءه
بقولكو إيه ياشباب
اصحابه ..خير يامحمد
محمد .. البنت اللى بترقص دى عجبانى انا عايزها وهديلها اللى هيا عايزاه ملكوش دعوه بالفلوس
اصحابه .. هيا عندها المكان
محمد ..وهوا كذالك
احد اصحابه
اسمه باسم
اسم الراقصه.. سندس
باسم...بقولك ايه ياسندس
الراقصه .. ايه يا باسم
باسم.. انتى شايفه اللى قاعد هناك ده
سندس.. ماله
باسم.. عايز يسهر معاكى سهره خاصه
سندس.. شغال ايه ده
باسم ..هههههههههه شغال ايه
ده ابن اكبر رجل أعمال
عربيته اللى واقفه اللى هناك دى
سندس.. تمام عنده مكان ولا
باسم . ولا
سندس ..خلاص عندى
سندس.. لواحده ولا معاه حد
باسم .. لا لواحده
سندس خلاص ماشى
قوله يستنانى فى عربيته
باسم .. ماشى يا قمرايه
باسم .بقولك ايه يامحمد
محمد ..ها عملت ايه
باسم.. استناها فى عربيتك
هيا نازله اهى
محمد.. تمام
نزلت سندس من على المسرح وركبت العربيه مع محمد
كان فيه مخبر فى الفرح شاف الموقف بلغ عنهم ضابط الآداب
تم مراقبتهم وضبطو فى
وضع مخل للآداب
قبض عليهم ضابط الشرطه
تم تحويلهم الى النيابه
ثم المحكمه وحكم عليهم بالسجن خمس سنوات
فى المحكمه والدة محمد
محمد...نعم ياماما
الام ..إيه اللى انتى عملته ده
محمد..واللى حصل ياماما
الام..ابوك بعتلك الفلوس
والسجاير دى
وقالى مااجيش لك زياره تانى لانه مترشح فى مجلس الشعب
ومش عايز فضايح
وان حد سألوا عليك هيقوله انك سافرت بره مصر
محمد ..متأثر ماشى ياماما
السجن
محمد والنبطشى
النبطشى.. اسمك ايه
اسمى .. محمد
محمد
وانت اسمك ايه
النبطشى..أشرف
وسعره الحاوى
النبطشى ..شغال إيه بره
محمد ..ابويه رجل أعمال
لكن مفيش حد هيجيلى تانى
بابا بعتلى رساله بيقولى مش عايز فضايح
أشرف .. متزعلش ياصاحبى اعتبرنى اخوك
محمد ..خلاص ماشى
محمد مدتك ايه
النبطشى خلاص هانت
لسه اربع سنين
النبطشى. انتا مدتك كام
محمد..خمس سنين
النبطشى.. هيعدو مع الصبر
اربع سنين خرج اشرف
وبعده خرج محمد بعد انتهاء المده
راح محمد لوالده
الاب .. انا دلعتك لكن معرفتش اربيك
خد يامحمد 2مليون جنيه اهم
وابدأ حياه من جديد
ان خسرتهم يبقا خسرت حياتك
ان رجعت هما. هما
يبقى سنين السجن متعلمتش حاجه فى حياتك
ان كسبت يبقى السجن علمك حجات كتير
اخد محمد الفلوس والعربيه ومشى
وصل محمد بلد لقى فيها مصنع مكتوب عليه للبيع
وقف محمد عند المصنع
محمد وصاحب المصنع
محمد ..السلام عليكم ياحاج
صاحب المصنع.. وعليكم السلام
محمد.. المصنع ده للبيع
صاحب المصنع ..ايوه ببيعه
لانى مسافر
محمد..وانا شارى
اتفرج محمد ع المصنع
اتفقوا فى السعر ومضو العقود
محمد مش عارف يدير المصنع
كل يوم يعد فى حديقه امام المصنع تابعه للمصنع
ياتى رجل يقف امام المصنع يومياً
سأله ..محمد
ياحاج انتى يومياً بتقف قدام المصنع بالسعات ليه
الرجل ..ياإبنى المصنع ده انا اللى بنيه طوبه طوبه
وكنت مشارك صاحب ليه فيه
وغدربي وباعه
محمد.. يعنى تعرف تديره
الرجل .. ياإبنى المصنع ده أخد منى رئات
محمد. خلاص ياحاج تشاركنى
الرجل ..ياإبنى مبقاش حيلتى حاجه عشان اشاركك
محمد.. انا برأس المال
.وإنت بالانتاج
الرجل ماشى ياإبنى ربنا يقدم اللى فيه الخير
بعد شهرين اشتغل المصنع وكسب مبالغ هائله
كل يوم محمد يعد فى مكتبه يشوف ست جميله جدا معديه من أدام المصنع
فى يوم حب يسأل شريكه عنها
لكن
اشرف الحاوى ماشى شاف صورة صاحبه على المصنع سأل عليه حارس الامن
قاله قول للباشا بتاعكم صاحبك وحبيبك عايز يقابلك
بلغ حارس الامن محمد
بص محمد من شباك المكتب لقاه
نزل جرى
مين أشرف ..مسألتش عنى
أشرف.. والله ياصاحبى بسأل عنك دايماً مش عارف أوصلك
وأنا ماشى شوفت صورتك بالصدفة
على المصنع جيتلك
محمد.. أشرف انت وقفت معايه وقفة راجل فى السجن
عايزك تقف جنبى فى المصنع
أشرف .. ياعم انا مافهمش حاجه فى شغلكم
محمد..هتبقى المسئول عن المصنع
أشرف ..هههه مسؤل مره واحده
ياعم اخلفنى بدل ماابوظ الدنيا
محمد..ايه ياحاوى مش هتقف جنب اخوك برضه
وحشتنى ايامك ياحاوى
أشرف ماشى ياصاحبى
تانى يوم الساعه العاشره صباحاً
نده محمد علي أشرف
أشرف.. ايه ياصاحبى
محمد ..مين الست دى
أشرف..ليه
محمد ..كل يوم بتعدى فى نفس الميعاد
أشرف ..إيه ياصاحبى عجباك
محمد أيوه هيا متجوزه
أشرف.. لا مطلقه من فتره
محمد ...انت تعرفها ياصاحبى
أشرف ...عز المعرفه
اعرفها اكتر من نفسى
محمد ..معاها أولاد
أشرف .. معاها بنت لسه مولوده
محمد.. طيب أتجوزها على سنة الله ورسوله وأربى البنت
أشرف ..خلاص هتكلملك فى الموضوع ده بس اهم حاجه البنت الصغيره
محمد.. حاضر يا صاحبى
روح أشرف البيت حزين وكئيب
مراته.. مالك ياأشرف
أشرف .. بقولك ايه ياإبتسام
إبتسام .. خير ياأشرف
أشرف.. فاكره أيام السجن
ابتسام ..أيوه ليه يعنى
ايه اللى فكرك بالأيام دى
أشرف .. فاكره صاحبى اللى كلمتك عنه
ابتسام ..آه الغنى ده
أشرف..أيوه
ابتسام..ماله
أشرف.. انا وعدته وعد
ابتسام إيه هوا الوعد ده
أشرف.. قولت له لو طلبت روحى هدهالك. وانتى روحى
ابتسام..يعنى إيه مش فاهمه
فيه إيه يا أشرف
أشرف. ده صاحب المصنع اللى انا شغال فيه
كنا قاعدين مع بعض فى المكتب
وشافك وانتى معديه وسألنى عنك
قالى انه كل يوم بيفضل يبص عليكى وانتى معديه وانك عجباه وعايز يتجوزك
ابتسام .. وبعدين إنت قولت له إيه
أشرف قولت له انك مطلقه من أسبوعين وهكلم له أهلك وأجوزك ليه
ابتسام ..أشرف انتى بتقول إيه انا مش فاهمه حاجه
ايه اللى انت بتقوله ده
أشرف.. بدام صاحبى شافك وعجبتيه ياريت تكونى مراته انا اللى بقولك كده
ابتسام بذهول يعنى ايه انت شارب حاجه ياأشرف
اشرف.. انا هطلقك.. وبعد شهور العده اتجوزيه
وياريت مايعرفش انك كنت مراتى
إبتسام انتى طالق طالق طالق
وبالفعل اتجوزها محمد
برغم حب اشرف الشديد لمراته وبعد الطلاق بدأ يدمن المخدرات
ويشرب خمر
وساءت احواله
وبعد فتره من قلة حيلته والمال معه
وباع منزله
ذهب الى صديقه محمد
قال للحارس اطلع قول للباشا بتاعكم صاحبك وحبيبك عايز يقابلك
بص محمد من شباك المكتب لقى ظروف أشرف سيئه
ملابسه ممزقه
ذقنه طويله
آثار المخدرات ظاهره عليه بوضوح
قال للحارس خد 100 جنيه إعطيها له
وقوله الباشا بتاعنا ما يعرفش الاشكال دى
نزل الحارس لأشرف واعطى له ال مييت جنيه وبلغه الرساله
قطع أشرف ال مييت جنيه نصفين
وقال للحارس اديله نص المييت جنيه دى
وقوله يحتفظ بيها
مشى أشرف منكسر حزين من غدر صاحبه
صنع عشه بالغاب وقعد فيها
يشرب ويسكر من أجل انه ينسى
وبعد فتره جاءت له ست كبيره فى السن
وسألته المرأه
مالك ياإبنى عامل فى نفسك ليه كده
أشرف..حكى لها قصته بدموع عنيه
المرأه.. تعالى معايه أوديك
احسن مستشفى وأعالجك على حسابى
وليا بنت وحيده اجوزهالك
ايه رأيك ومتعملش في نفسك كده
ياابنى افهم الجمله دى كويس
يا اللى زرعت الجميل بترد لك جميلين
جايز ده يبقى سبب نقلتك من الفقر الغنى
أشرف.. وافق لما لقى حياته اتدمرت
وبالفعل اتعالج أشرف وعاد كما كان
أشرف. يوم فرحه ينادى على ام عروسته
يا أم قمر
أم قمر.. نعم ياأشرف
أشرف.. خدى العنوان ده
وروحى اعزمى صاحب المصنع ده هوا ومراته لأنه صاحبى
أم قمر ..خلاص ماشى
يقبل محمد الدعوه ويأتى معه زوجته وابنتها
فى أثناء الحفل وصل محمد
شافه اشرف
وقف أشرف على المسرح وأخد المايك من المطرب وطلع النص مييت جنيه من جيبه وقال
بإسمى أنا أشرف الحاوى
بحيي صاحبى وحبيبى
محمد بيه
اللى جه عليا فى السجن وملوش ضهر وكنت سنده وضهره
بحيي صاحبى اللى شاف مراتى وعجبته من غير مايعرف انها مراتى
طلقتها وجوزتها له
اللى فى وقت شدته سندته
اللى ف وقت شدتى باعنى
اللى رحت اطلب منه بعت ليا
ميت جنيه مع الحارس وقاله يقولى الباشا بتاعنا مايعرفش الأشكال دى
ياصاحبى انا مش بهينك لكن بعرفك تمامك
طلع محمد فوق ع المسرح
وأخد منه المايك وطلع
النص مييت جنيه التانى من جيبه
وقال
وانا بإسمى محمد من غير بيك
بحيي صاحبى وحبيبى اللى ف وقت الشده كان سندى
اللى لما عجبتنى مراته من غير مأعرف انها مراته طلقها وجوزها ليا
اللى البنت اللى على إيدى دى تبقى بنته
صاحبى اللى كان بيحب مراته
وكانت روحه
وفضلنى عن نفسه عشان كلمه قالهالى
لو طلبت روحى ماتغلاش عليك
انا بحيي صاحبى اللى جالى
شارب خمره ومخدرات وسكران
وفى أسوأ حلاته
وبعت له
ميت جنيه وقولت للحارس قوله الباشا بتاعنا ما يعرفش الاشكال دى
مش قاصد اهينه
لكن بقفل ببان الشر من طريقه
وبعت وراه واحد يعرف مكانه
وبعت له أمى تاخده وتعالجه على حسابى
وتجوزه اختى الوحيده
عشان اقدر ارد له الجميل
عرفت ياصاحبى انى بعزك
انت صاحبى وبنتى بنتك
سلام ياصاحبى
تعليقات
إرسال تعليق